I det 20. hundreåret har det skjedd store og gjennomgripande endringar i det norske samfunnet. Hundreåret vart industrisamfunnets epoke, og den teknologiske og økonomiske utviklinga førte med seg ei rask urbanisering og endringar i livsform og mentalitet. Det moderne samfunnet fekk si mest markerte form i den sosialdemokratiske velferdsstaten etter andre verdskrigen. Økonomisk vekst, fleire og meir omfattande velferdsordningar, utdanningseksplosjon og eit organisasjonssamfunn som dei fleste hadde del i, gav føringar for utviklingsa. Endringane av samfunnets kjønnsroller har vore grunnleggjande viktig. Nyliberalismens gjennombrot på 1980-talet, i kombinasjon med konsumsamfunnet og ein aukande grad av individualisering av livs- og samfunnsformene, innebar store og raske omskiftingar som til dels braut med utviklingstrekk frå tidlegare i hundreåret. Globaliseringa førte dessutan til at Noreg har vorte tettare vevd inn i det internasjonale samfunnet.
På kva måte vart Kyrkja og teologien utfordra av eit samfunn i rask endring? Kva gjekk dei teologiske endringane ut på og kva førte dei til?
 
Boka har bakgrunn i eit felles forskingsprosjekt mellom det religionsfaglege miljøet ved Universitetet i Agder og Det teologiske fakultetet ved Universitetet i Oslo. Trass i Universitetet og Det teologiske fakultetet si to hundre år lange historie, har forfattarane konsentrert seg om det 20. hundreåret.